【每個女人都想要一個張繼聰】
謝安琪宣佈佢又有左！不過佢已經係高齡產婦，身為廿四孝老公既張繼聰出去覆診嗰陣都好小心揸車，勁體貼。其實張繼聰好男人一面真係要由好耐之前講起架....
當時既Kay係當紅歌手，仲要大過張繼聰3年，表面上各方面都比佢優勝，令唔少人鬧張繼聰係「廢柴老公」、「軟飯王」。身為男人聽到呢啲說話正常實忍唔到，會成日同老婆嘈，用暴力黎證明自己既實力。而張繼聰冇咁做，相反佢知道有人惡意批評Kay就第一時間出言保護老婆。
或者好多人會選擇放棄，覺得尊嚴冇曬，再努力落去都冇意思。不過張繼聰唔係咁諗，佢話比自己聽要繼續加油，直到有一日可以養起兩母子，成為佢地既榜樣。終於喺2014年既演藝事業開始發光，攞到飛躍進步男藝員，亦入圍過最佳男配角、視帝同最受歡迎男角色。最後上年憑《陀地驅魔人》入圍男配角。
咁多年黎佢同Kay一直都好恩愛，兩個互相扶持，有次網民問張繼聰：「Kay喺邊度？」，佢甜絲絲咁答：「喺心度。」。試問一個男人有上進心又錫老婆，點會唔覺得幸福呢？慶幸既係，香港仲有好多呢類好男仔。
Search